Onlayn olimpiadalar platformasidan ro‘yxatdan o‘tish qo‘llanmasi

Yangi saytimizda ro‘yxatdan o‘tish juda sodda bo‘lishiga qaramay, "qanday ro‘yxatdan o‘taman?" ma'nosidagi savollar bo‘lmoqda. Shu sababdan biz qanday ro‘yxatdan o‘tish haqida batafsil tushuntirilgan qo‘llanma tayyorladik. Iltimos diqqat bilan o‘qing!

Eng avvalo khiso.site.uz saytiga kiramiz. (Shuni aytishimiz kerakki, bu vaqtinchalik. Yaqinda yana khiso.uz domeniga o‘tamiz). Shu joyida e'tibor qiling biz www bilan yozmadik, shunchaki khiso.site.uz saytiga kirasiz. 2-qadamda o‘ng yuqori burchakdagi ro‘yxatdan o‘tish tugmasini bosasiz.

Keyingi qadamda ma'lumotlarni to‘ldirishni boshlaysiz. Shu joyida juda diqqatli bo‘ling. O‘quvchi/Talaba yoki O‘qituvchi bo‘limlaridan aynan o‘zingizga mosini tanlashingiz kerak. Keyin o‘zgartirishni iloji yo'q!

Asosiy a'zolarimiz o‘quvchilar bo‘lgani uchun o‘quvchilar uchun ko‘rsatamiz. Viloyat va tuman tanlanganida tug‘ilgan joyingiz emas, ta'lim muassasangiz joylashgan hududni tanlang. Aks holda maktabingiz ro‘yxatda chiqmaydi!

Masalan biz Toshkent shahar Olmazor tumanida joylashgan Aniq fanlarga ixtisoslashtirilgan davlat umumta'lim maktabi(AFIDUM)ni tanladik. Parol yaratish va parolni tasdiqlang qismida o‘zingizga qulay va esingizda qoladigan parolni tanlang. Masalan biz o‘zimizga khisouz1 deb qo‘ydik.

Keyingi qadamda ishlayotgan va yoningizda bo‘lgan telefon raqam yozishingiz kerak. Telefon raqami nega kerak o‘zi? Bu shaxsni tasdiqlash uchungina kerak. Boshqa maqsadda sizning telefon raqamingiz ishlatilmaydi. Bitta raqamdan faqat bir marta va bitta foydalanuvchi ro‘yxatdan o‘ta oladi.

Yozilgan telefon raqamga sms orqali 4 xonali tasdiqlash kodi yuboriladi. Bu haqiqatdan siz ro‘yxatdan o‘tayotganingizni tasdiqlaydi. Siz sms kelgan raqamni emas, aynan sms xabar ichida yozilgan 4 xonali tasdiqlash kodini kiritishingiz kerak. Masalan bizning tasdiqlash kodimiz 4083!

Akkauntingiz yaratilishi bilan ilk ochiladigan sahifada "Profilingiz ma'lumotlarini tahrirlang" sahifasidir. Shu sahifada darhol ism-familiya-sharifingizni (va jinsingizni, rasmingizni) kiritishni unutmang. Aks holda sertifikatingiz bo‘sh chiqadi.

Olimpiadalar bo‘limidan yangi olimpiadalar bilan tanishingiz mumkin. Aynan o‘zingizga mos olimpiada qismidan u haqida batafsil ma'lumot olishingiz yoki ro‘yxatdan o‘tishingiz mumkin.

Oldinroq ro‘yxatdan o‘tib qo‘ygansangiz olimpiadalar avtomatik ravishda "Ro‘yxatdan o‘tilgan" bo‘limiga o‘tadi. Olimpiada boshlanish vaqti kelgach "Kuting" tugmasi "Boshlash" tugmasiga almashadi.

Yana bir bor ta'kidlaymiz, ushbu qo‘llanmani diqqat bilan o‘rganib chiqing.