Dəyərli müraciətçi,Xahiş edirik ki, qeydiyyatdan keçmədən əvvəl aşağıda qeyd olunan məlumatlara diqqətlə nəzər salasınız.
PAŞA Holding-in dəstəyi ilə dayanıqlı inkişafa çatımlılıq prosesində qadınların innovativ təşəbbüslərini və zorakılıqla mübarizədə onların iqtisadi azadlıqlarının əhəmiyyətini vurğulmaqla, 2 gün keçiriləcək multidisiplinar festivalın əsas məqsədi qadınların dayanıqlı təşəbbüslərini və sahibkarlıq fəaliyyətini dəstəkləmək, həyatlarının müxtəlif mərhələlərində zorakılıqla üzləşmiş qadınların sosiuma reinteqrasiyasını sürətləndirmək, həmçinin, mövcud fəaliyyətlərin davamlılığının təmin olunması üçün bilik və bacarıqlarının artırılması ilə yanaşı dəstək mexanizmlərinin genişləndirilməsinə təkan verməkdir.
FESTİVAL KİMLƏR ÜÇÜNDÜR?
Festival yaşı 50-ə qədər olan və öz məhsulunun istehsalını və satışını həyata keçirən qadın sahibkarlar üçündür.
Qeyd: Azərbaycanın hər bölgəsindən qadın sahibkarların iştirakı mümkündür. Qeyd edək ki, bölgələrdən gələn qadınların yol və qonaqlama xərci festival tərəfindən qarşılanmayacaqdır.
Qadın sahibkarların 2 gün ərzində keçiriləçək festivalda, həmçinin, festivaldan sonrakı fəaliyyətlərində daha effektiv satış bacarıqlarına yiyələnmələri və öz iqtisadi imkanlarını daha da genişləndirməyə dəstək olmaq məqsədilə festival çərçivəsində aşağıdakı mövzular əsasında təlimlər, seminarlar və vörkşoplar həyata keçiriləcəkdir:
Mövzular:
- Biznes etikası və satış texnologiyalarından istifadə imkanları,
- Brendinq
- Sosial mediadan səmərəli istifadə
- Dayanıqlı maliyyə menecmenti
Festivalın baş tutacağı tarix: 17 - 18 Dekabr
İŞTİRAK ÖDƏNİŞSİZDİR!