Form description
[sorğu]
Gənclərlə iş sahəsi gənclər tərəfindən həyata keçirilən sosial, mədəni, təhsil, idman, məşğulluq və siyasi fəaliyyətləri əhatə edir. Gənclərlə işin əsas məqsədi cəmiyyətdə gənclərin fəal iştirakının təmin edilməsi, onların bacarıqlarının inkişaf etdirilməsi üçün əlverişli mühitin formalaşdırılması, eləcə də gənclərin asudə vaxtının səmərəli təşkil edilməsi üçün kompleks tədbirlərin həyata keçirilməsindən ibarətdir.
[layihə]
Layihə çərçivəsində dövlət quruculuğunda, həmçinin gənclər sahəsində qərarverən şəxslərin gəncləri maraqlandıran sualları cavablandırılması nəzərdə tutulub. Əsas məqsəd gənclərin qayğıları və maraqlandıqları istiqamətlər üzrə qərarvermə prosesində iştirak etmələri və bu sahədə qərarverici orqanların fikirlərini birbaşa gənclərə çatdırmaqdır.
[günün iştirakçısı]
Mustafa Abbasbəyli, Dövlət Məşğulluq Agentliyinin İdarə Heyətinin sədri
Dövlət Məşğulluq Agentliyi aktiv məşğulluq tədbirlərinin təşkili, işsizlikdən sığorta vəsaitinin idarə edilməsi, işaxtaran və işsiz şəxslərin sosial müdafiəsi ilə bağlı tədbirlərin, “Məşğulluq haqqında” Azərbaycan Respublikası Qanununun tələblərinə əməl olunmasına nəzarətin, habelə aidiyyəti dövlət qurumları ilə birlikdə əmək bazarının təhlili və qeyri-formal məşğulluğun aşkar edilməsi və qarşısının alınması ilə bağlı nəzarət tədbirlərinin həyata keçirilməsi, bununla bağlı maarifləndirmə, məlumatlandırma, təbliğat işinin təşkili sahəsində fəaliyyət göstərən publik hüquqi şəxsdir. Agentlik Azərbaycan Respublikası Əmək və Əhalinin Sosial Müdafiəsi Nazirliyinin tabeliyində fəaliyyət göstərir.
[suallar]
"Gənclər Soruşur, Biz Cavablayırıq" layihəsi çərçivəsində gənclər, cənab Mustafa Abbasbəyliyə rəhbəri olduğu qurumun gənclərə yönəlik gördüyü və görəcəyi işlər, həmçinin qurumun gələcək fəaliyyəti istiqamətində həyata keçirəcəyi fəaliyyətlər barədə suallar verə bilərlər.
[kimlər qoşula bilər]
Hər hansısa bir gənclər təşkilatının nümayəndəsi olub yaşı 16-dan yuxarı və 29-dan aşağı bütün gənclər;
[struktur]
Bu sorğunu dolduran zaman əvvəlcə maraqlandığınız istiqmətlər üzrə suallarınız və sualın cavabının sizin indiki və ya gələcək fəaliyyətinizə necə təsiri olacağını ətraflı şəkildə izah etməyiniz xahiş olunacaqdır. Daha sonra günün iştirakçısı tərəfindən həm gənclər sahəsi üçün həm də bu il üçün ən prioritet olan mövzularda olan 5 sual seçiləcəkdir. Seçilmiş sualların aid olduğu fərdlərlə əlaqə saxlanaraq sualı video formatında göndərməsi xahiş olunacaqdır. Daha sonra cənab Mustafa Abbasbəyli seçilmiş sualları tək-tək video şəklində cavablandıracaqdır.
[son tarix]
30 APREL 2021-Cİ İL