წყალი მნიშნველოვანია! კონსულტაცია ხრამი-დებედას მდინარეთა აუზის უბნისათვის
ამჟამად მიმდინარეობს ხრამი-დებედას მდინარეთა აუზის უბნის მართვის გეგმის შემუშავება. ამასთან დაკავშირებით, თქვენ შეგიძლიათ გამოთქვათ თქვენი აზრი. ეს ძალიან მნიშვნელოვანი პროცესი, მომავალში განსაზღვრავს ძირითად ქმედებებს, რომელიც თქვენს აუზში(ებში) უნდა განხორციელდეს, რათა წყლის რესურსები დავიცვათ ჭარბი მოხმარებისა და დაბინძურებისგან. ღონისძიებები, რომელთა შემუშავებაც ახლა მიმდინარეობს, ასევე ემსახურება წყლის რესურსების მართვისა და მონიტორინგის გაუმჯობესებას, მდგრადი განვითარებისა და მოსახლეობის ჯანმრთელობის უსაფრთხოების უზრუნველყოფის მისაღწევად.
როგორ შეუძლია მდინარის აუზის მართვის გეგმას წყლის რესურსების დაცვა?
მდინარის აუზი დამკვიდრებული ერთეულია წყლის რესურსების მდგრადი მართვისთვის. რადგანაც სურსათის უსაფრთხოების, ეკონომიკური განვითარების, ენერგო-წარმოებისა და კლიმატის ცვლილების ყველა გამოწვევის ამოსავალი წერტილი წყალია, მდინარის აუზის დონეზე წყლის რესურსების მართვის დაგეგმვისას მაქსიმალურად უნდა მოხდეს კონკურენტი წყალმოსარგებლე სექტორების კოორდინირება, რათა ვიპოვოთ ბალანსი სოციალურ მოლოდინებსა და გარემოსდაცვით მიდგომას შორის.
გაგვიზიარეთ თქვენი აზრი:
ამ კითხვარის შევსებით, თქვენ თანახმა ხართ, რომ თქვენი პირადი მონაცემები გამოყენებული იქნება EUWI+ პროექტის კოორდინატორის, IOWater მიერ. შეგროვებული ინფორმაცია არ იქნება გამოყენებული ნებისმიერი სხვა მიზნით, შეინახება პროექტის განმავლობაში (2016-2021) და დაარქივდება პროექტის დასრულებიდან ხუთი წლის მანძილზე (ევროპული აუდიტის შემთხვევაში). თქვენი მონაცემების მართვისა და თქვენი უფლებების შესახებ დამატებითი ინფორმაციისთვის ეწვიეთ ჩვენს იურიდიული განცხადების გვერდს.
