Azərbaycan Respublikası Təhsil Nazirliyinin "Təhsildə inkişaf və innovasiyalar" üzrə IV qrant müsabiqəsinin fərdi kateqoriya üzrə qalibi olmuş "Biz birlikdə güclüyük!" layihəsinin məqsədi cəbhəyanı ərazilərdə yaşayan və hərbi münaqişələrdən zərər çəkən şagirdlərdə stressin aradan qaldırılması ilə yanaşı, onların şəxsi sağlamlığı və təhsil göstəricilərinin yüksəlməsinə dəstək olmaqdan ibarətdir.
Layihə çərçivəsində Ağdam, Füzuli,Tərtər, Ağcabədi və Bərdə rayonlarının hər birinin 5 ümumi təhsil müəssisəsində fəaliyyət göstərən psixoloq və müəllimlər arasından hər məktəbdən 25 nəfərin (ümumilikdə 75 nəfər) iştirakı nəzərdə tutulmuşdur.
Layihə çərçivəsində hər qrup üçün peşəkar təlimçi-psixoloq tərəfindən 5 gün onlayn formatda təlim keçiriləcək. Təlimlər interaktiv əsasda təşkil olunacaq.
Təlimlərdə aktiv iştirak edən iştirakçılar sertifikatla təltif olunacaq.