- Galego
- Español
- English
Calendario de Valdoviño 2024: envío de imaxes
A Concellería de Cultura volve a apostar pola participación veciñal para o deseño do almanaque municipal de 2024.
Se está interesado en participar no concurso de fotografía Calendario de Valdoviño 2024, debe enviar a súa imaxe cubrindo todos os campos do seguinte formulario. Cada persoa pode enviar un máximo de dúas imaxes, indicando o nome do lugar fotografiado.
Se na foto aparecen persoas ten que ter o consentimento das mesmas para o uso da imaxe; asímesmo non se aceptarán traballos con contidos contrarios á legalidade vixente. As fotografías presentadas quedarán en posesión do Concello de Valdoviño que poderá utilizalas e reproducilas por calquera medio, sempre citando ao seu autor. O prazo de presentación remata o día 27 de novembro.
Calquera dúbida pode consultarse na Biblioteca Municipal (981 487 666) ou a través do correo electrónico web@concellodevaldovino.com.